Kriminelët në Suedi po përdorin kriptomonedhën për të paguar për transmetimet e Spotify dhe për të pastruar paratë e tyre të pista.
Katër anëtarë të bandës në Stokholm, si dhe një hetues policie anonim, folën me gazetën suedeze “Svenska Dagbladet” për fshehjen e shtigjeve të parave të lidhura me krimin e dhunshëm.
Të ardhurat e fituara nga pazaret e drogës, vrasjet me pagesë dhe grabitjet po fshihen përmes marrëveshjeve të transmetimit artificial.
Kriminelët fillimisht paguajnë muzikantët përmes një transaksioni në kriptomonedhë, i cili është më i vështirë për t’u gjurmuar sesa një pagesë tradicionale. Më pas artistët do të paguhen për transmetimin e këngëve të tyre dhe krimineli mund të mbledhë paratë e pastruara.
“Spotify është bërë një makinë bankare për bandat”, tha hetuesi i cituar në raportin e SvD për gazetën, raporton “euronews”.
Megjithatë, platforma muzikore e siguroi AFP-në se “më pak se 1 për qind e të gjitha transmetimeve në Spotify janë përcaktuar si artificiale”, duke shtuar se çdo shifër e manipuluar “bllokohet menjëherë përpara çdo pagese”.
Sipas SvD, një milion transmetime gjenerojnë rreth 40 mijë deri në 60 mijë krona në Suedi, që është afërsisht 3.450 deri në 5.180 euro.
VAZHDO TË LEXOSH MË TEPËR PËR TEMËN
“Lumë” kritikash ndaj këngëtares shqiptare
Artistja shqiptare pjesë e revistës “Vogue”
‘Top 5’ artistët më të dëgjuar të dekadës
