MENU
klinika

Lëvizja që pritet të zemërojë “dragoin”

Rikthehet lufta tregtare, SHBA i jep një goditje të fortë Kinës

15.05.2024 - 11:25

SHBA po rrit tarifat për automjetet elektrike nga Kina nga 25 për qind në 100 për qind, tha Shtëpia e Bardhë dje, pas një sërë masash të ashpra nga administrata Joe Biden për të kufizuar importet nga vendi.

Tarifat e reja do të zbatohen jo vetëm për automjetet elektrike, por edhe për bateritë dhe panelet diellore, gjysmëpërçuesit, vinçat portualë dhe disa produkte mjekësore si maskat mbrojtëse.

“Njoftim është një reflektim i angazhimit të Presidentit Joe Biden për t’u kujdesur për punëtorët amerikanë.

Kur përballemi me mosrespektimin e rregullave të konkurrencës dhe praktikave të padrejta nga jashtë, presidenti do të përdorë gjithçka që ka në dispozicion për të mbrojtur punëtorët dhe industrinë amerikane”, shtoi Shtëpia e Bardhë në një deklaratë.

Rikthehet lufta tregtare, SHBA i jep një goditje të fortë

Shtëpia e Bardhë thotë se masat janë të nevojshme sepse Kina po vërshon tregjet botërore me eksporte të lira të krijuara artificialisht dhe Biden reagoi pavarësisht përpjekjeve për të stabilizuar marrëdhëniet me Pekinin, tha Lael Brainard, drejtor i Këshillit Ekonomik Kombëtar.

Biden, tha ai, vizitoi qytetin e tij të lindjes Scranton, Pensilvani, dhe pa me sytë e tij se çfarë ndodh kur prodhimi zhvendoset në vende të tjera, dhe kjo është arsyeja pse ai dëshiron të sigurojë konkurrencë të ndershme.

“Është e rëndësishme për ne që të parandalojmë një rritje të re të eksporteve kineze dhe presionin e tyre të vazhdueshëm mbi çmimet që e bëjnë të vështirë për prodhuesit amerikanë të çelikut të konkurrojnë”, tha udhëheqësi amerikan.

Elon Musk, CEO i prodhuesit të makinave elektrike Tesla, gjithashtu ka paralajmëruar se prodhuesit kinezë kanë një avantazh të padrejtë. Pritet që Pekini të hakmerret me masa të reja.

Kërcënimet atomike të Moskës dhe kritika nga perëndimi

A do të kishte kuptim për Rusinë vënia në përdorim e armëve?

Dërgohen në vijën e parë të frontit të luftës

Zelensky, shkarkon disa nga gjeneralët e lartë!

Kush është njeriu që tërboi “dragoin”?

Kina fut Tajvanin në “rrethin e kuq”, bën provat e fundit