Lionel Messi vijon të thyejë rekorde me Barcelonën në aspektin individual, por kthimi tek Argjentina ishte zhgënjyes, edhe pse bëhet fjalë thjesht për një miqësore.
Edhe njëherë tjetër ka rifilluar debati i vjetër mes futbollistit të Barcelonës dhe ish-futbollistit legjendar, Diego Maradona. Pothuajse të gjithë e kanë dhënë mendimin e tyre se a është Lionel Messi apo Diego Maradona më i mire.
Mirëpo futbollistët që kanë luajtur kundër tyre janë zakonisht në pozicionin më të mirë për ta dhënë këtë vlerësim.
ATA QË JANË PËR MARADONËN
Zico: “Mendoj se Maradona luante futboll më garues. Ai gjithmonë luante me një golashënues tipik. Por, Maradona ka bërë shumë për Argjentinën.
Ai e fitoi titullin e Kupës së Botës. Maradona gjithmonë ishte vendimtar në garat e mëdha, përfshirë ato kur Argjentina nuk ishte favorite”.
Pele: “Për mua, Maradona ishte njëri ndër lojtarët më të mirë që ka ekzistuar ndonjëherë. Nëse më pyesni se a ishte më i mirë se Messi, unë do të them se ishte shumë më i mirë se Messi”.
Gabriel Bastituta: “Për mua, Diego ishte më i miri nga të gjithë. Maradona e përfaqëson Argjentinën në shumë gjëra, jo vetëm në futboll. Ai ishte i pari që na vendosi në hartë, duke e fituar titullin e Kupës së Botës.”
Romario: “Njerëzit diskutojnë për cili prej tyre është më i mirë: Maradona apo Messi. Maradona është ende më i mirë për gjithçka që ka bërë me Argjentinën”.
Luis Figo: “Maradona është më i miri në histori”
Juan Roman Riquelme: “Për mua, Maradona është unik, ai është më i miri në histori. Unë u rrita me Maradonën. Vetëm ta shikoja atë ishte e mjaftueshme, në atë mënyrë shkoje në shtëpi i lumtur. Ai bënte gjëra që askush s’i kishte bërë më herët. Ai luante me shishe e me portokaj”.
Zlatan Ibrahimovic: “Maradona e fitoi titullin e Kupës së Botës dhe, për mua, ai është më i miri në histori. Por, Messi ka fituar shumë më shumë se ai. A e bën kjo atë lojtar më të keq se Maradona? Jo, aspak”.
ATA QË VLERËSOJNË MESSIN
Diego Maradona: “Messi është futbollisti më i mirë që e kam parë në 56 vjetët e mia dhe e falënderoj Zotin çdo ditë që ai është argjentinas”.
Alex Ferguson: “Karriera e Maradonës ishte në nivelin më të lartë vetëm për disa vite, për këtë arsye Messi është më i mirë”.
Sergio Ramos: “Për mua, Maradona është i mrekullueshëm dhe kam shumë respekt për të. Megjithatë, në Argjentinë ata e dinë se Maradona është larg futbollistit më të mirë argjentinas, i cili për mua është Lionel Messi”.
Dani Alves: “Ata duan ta krahasojnë Messin me Maradonën, por nuk mund t’i krahasosh këta të dy. Sa Topa të Artë i ka fituar Maradona?”.
Vicente Del Bosque: “Messi është lojtari më i mirë, ai është i fiksuar pas futbollit. Ai është lojtar që luan në fushë dhe kjo gjë e definon atë, ai ka talent të lindur. Ai është më i miri në histori”.
Eden Hazard: “Nuk ekzistojnë dy lojtarë më të mirët në histori. Ka vetëm një dhe ai është Messi”.
Andres Iniesta: “Ai është më i miri në histori. Ai ka gjithçka: kokën, këmbën e djathtë, këmbën e majtë. Nuk e kam parë askënd tjetër duke i bërë gjërat që Messi i bën në fushën e futbollit dhe kjo nuk po ndodh vetëm që një vit, por ai ka qenë në këtë nivel që 15 vjet”.
Xavi: “Ai bëhet lojtar më i mirë me kalimin e çdo dite. Ai është i mrekullueshëm. Jo vetëm për momentin, por në histori. Ai e ka bërë dallimin në çdo ndeshje për 12 vjetët e fundit. Ai është lojtari më i mirë në histori, sipas mendimin tim”.
David Villa: “Nuk mendoj se një lojtar si Messi, që e ka kaluar gjithë këtë kohë në nivelin më të lartë të futbollit, duhet ta fitojë titullin e Kupës së Botës për t’u konsideruar më i miri në histori. Ai do të vazhdojë të jetë më i miri, pavarësisht çka thonë të tjerët”.
Mario Kempes: “Maradona nuk kishte rival, Messi fillimisht e kishte Ronaldinho e pastaj Cristiano Ronaldo. Kështu që, ai është më i miri nga të gjithë”.
VAZHDO TË LEXOSH MË TEPËR PËR TEMËN
Maradona, Messit: Mos u kthe tek Argjentina!
Kur yjet e sportit kthehen në vepra arti
“Lider? Shkon 20 herë në tualet para ndeshjes”
