Milwuakee Bucks ishte surpriza e këtij kampionati në NBA, duke e mbyllur sezonin e rregullt në vendin e parë.
Greku Giannis Antetokounmpo shkëlqeu duke qenë një nga 3 basketbollistët pretendentë për trofeun e MVP të sezonit të rregullt.
Bucks nuk arriti të shkojë në finalet play off, pasi u mund nga Toronto 4-2 me ndeshje, por Giannis ka bërë një premtim.
“Ky ishte vetëm fillimi për këtë grup, për këtë ekip. Duhet të përmirësohemi si në aspektin individual ashtu dhe në lojën në grup.Na pret një rrugë e gjatë. Do të rikthehemi më të fortë vitin tjetër, duke besuar në forcat tona. Vitin tjetër do të jemi ne ekipi që do të shkojmë në finale”, tha Antetokoumpo.
Sipas mediave amerikane, skuadra e Milwaukee është gati t’i rinovojë kontratën, gjë që me shumë gjasa do të ndodhën verën e vitit 2020.
Sipas ESPN, Antetokoumpo pritet të nënshkruajë një kontratë të re 5-vjeçare me Bucks, nga e cila do të përfitojë 247 milionë dollarë.
