Së fundmi Janë publikuar pamjet e para të vazhdimit të pestë dhe të fundit të filmit për legjendarin John Rambo, me titull “Rambo: Last Blood”.
“Kam jetuar në botën e vdekjes. I kam parë njerëzit që i dua duke vdekur, disa shpejt nga plumbi, ndërsa nga të tjerët nuk ka mbetur shumë as për t’i varrosur. Gjatë gjithë këtyre viteve i kam ruajtur fshehtësitë, por ka ardhur koha që të përballem me të kaluarën time”, thuhet në fillim të videos.
Sylvester Stallone ishte 35 vjeç në kohën kur u xhirua filmi i parë për Rambon (“First Blood”). Tani aktori është plot 72 vjeç dhe është gati për t’u shfaqur në Rambo 5.
Vazhdimi i ri i filmit përcjell ngjarjen e protagonistit kryesor, i cili udhëton në Meksikë për ta kthyer vajzën e rrëmbyer të mikut të tij.
Megjithatë, gjërat komplikohen kur gjatë atij udhëtimi gjendet përballë një prej karteleve më të dhunshme meksikane.
Regjinë e filmit e ka bërë Adrian Grunberg, kurse skenarin e ka shkruar vet Stallone në bashkëpunim me Matt Cirulnick.
Paz Vega, Louis Mandylor, Sheila Shah, Yvette Monreal, Oscar Jaenada, Sergio Peris-Mencheta, janë disa prej aktorëve të tjerë të kastit që luajnë për “Rambo: Last Blood” që pritet të shfaqet premierë në muajin shtator të këtij viti.
VAZHDO TË LEXOSH MË TEPËR PËR TEMËN
“Rambo 5”, zbulohen detaje dhe një tjetër aktore
Stërvitja ekstreme e Stallone-s për “Rambo 5”
Sergio Ramos në versionin “Rambo”
