Ushtria amerikane do të dërgojë 1.000 trupa shtesë në Lindjen e Mesme, ndërkohë që tensioned me Iranin rriten.
Sekretari i Mbrojtjes Patrick Shanahan tha se vendosja ishte në përgjigje të asaj që ai e përshkroi si “sjellje armiqësore” nga forcat iraniane. Gjithashtu, ai tha se kanë imazhe të reja që lidhin Iranin me sulmet e javës së kaluar në dy depozita nafte në Gjirin e Omanit.
Në deklaratën e tij, ai tha se “Shtetet e Bashkuara nuk kërkojnë konfliktin me Iranin”, por është marrë veprimi për të “garantuar sigurinë dhe mirëqenien e personelit tonë ushtarak që punojnë në të gjithë rajonin për të mbrojtur interesat tona kombëtare”.
Sekretari i mbrojtjes i SHBA është përsëri duke këmbëngulur se Uashingtoni nuk dëshiron konflikt me Teheranin, por tensionet mbeten të larta dhe çdo llogaritje e gabuar mund të çojë në një përshkallëzim të rëndë.
Uashingtoni e ka akuzuar Iranin por Irani ka mohuar akuzat.
Tensionet u shtuan më tej të hënën, kur Irani tha se rezervat e saj për uranium javën e ardhshme të kalojë nivelet e përcaktuara në bazë të marrëveshjes bërthamore 2015.
Marrëveshja, nga e cila SHBA është tërhequr, frenon programin bërthamor të Iranit në këmbim të heqjes së sanksioneve.
Presidenti i Iranit Hassan Rouhani tha se vendi i tij nuk kërkon të bëjnë luftë me asnjë komb dhe kishte mbetur “besnik” i detyrimeve ndërkombëtare.
Ai tha se ushtria do të vazhdojë të monitorojë situatën dhe të bëjë ndryshime në nivelet e trupave në përputhje me rrethanat.
Sekretari i Shtetit Mike Pompeo tha të dielën se Shtetet e Bashkuara nuk duan luftë me Iranin, por ishte megjithatë “duke marrë parasysh një gamë të plotë të opsioneve”..
VAZHDO TË LEXOSH MË TEPËR PËR TEMËN
Edhe për Arabinë Saudite fajtor është Irani
Gjermania: S’ka prova të mjaftueshme për Iranin
Shpërthejnë cisternat në Gjirin e Omanit, Irani fajtor?
