Menjëherë pas kualifikimit të Brazilit në çerekfinalet e Kupës së Amerikës, mbrojtësi Dani Alves bëri një postim në Instagram, duke njoftuar edhe largimin nga klubi francez Paris Saint Germain.
Në fakt kjo ishte një çështje që diskutohej prej javësh, pasi mbrojtësi brazilian kishte ngurruar të firmosë kontratën e re me klubin francez, por vetëm tani doli hapur dhe njoftoi se nuk do të vazhdojë më eksperiencën në Paris.
“Në jetë gjithçka mbaron, ndaj falënderoj klubin e PSG-së që më dha mundësinë të shkruaj një faqe të historisë së tij. Dy vite gjatë të cilave jam angazhuar maksimalisht për të përmbushur misionin. Kërkoj ndjesë nëse ndonjëherë nuk kam qenë në lartësinë e duhur”, shkroi Dani Alves në Instagram.
Braziliani nuk e ka zgjedhur ende destinacionin e radhës,por duke parë moshën e tij, Alves mund të transferohet në SHBA ose të rikthehet në vendlindje.
VAZHDO TË LEXOSH MË TEPËR PËR TEMËN
Mesazhi i Neymar: Nuk dua të luaj më për PSG-në, por…
PSG pranon të shesë Neymar!
