Lideri i Ligës së Veriut, Matteo Salvini deklaroi dje se presidenti Italian duhet të zgjidhet drejtpërdrejt nga populli. Presidenti, i cili vepron si mbrojtës i Kushtetutës dhe si gjyqtar i sistemit politik, aktualisht është zgjedhur nga parlamenti.
“Unë mendoj se, nëse nuk do të ndodhë në vitin 2022, atëherë në 2029 kreu i shtetit mund të zgjidhet direkt nga qytetarët”.
Përpjekja e ish-ministrit të Brendshëm Salvini, muajin e kaluar, për të shkaktuar zgjedhje të parakohshme dështoi pasi ish-aleatët e tij të qeverisë në Lëvizjen Pesë Yje ranë dakord për një pakt me Partinë Demokratike për të formuar një qeveri të dytë nën mbikqyrjen e Giuseppe Conte.
“Unë nuk mendoj se qeveria aktuale Pesë Yjet-Partia Demokratike do të zgjasë deri në vitin 2022, kur do të zgjidhet pasardhësi i presidentit Sergio Mattarella,” deklaroi Salvini.
Salvini përdori rolin e tij në qeverinë e mëparshme për të promovuar qëndrimin agresiv të partisë së tij kundër Bashkimit Evropian dhe luftën për anijet që shpëtonin migrantët në Mesdhe.
Por qeveria e re e majtë e Italisë ka lejuar një anije shpëtimi që transportonte 82 migrantë të zbarkonin në bregdet në ishullin Lampedusa, pas afro një javë në det, duke i dhënë fund “epokës së Salvinit”.
Ministri i jashtëm i Italisë, Luigi Di Maio, theksoi se masa nuk paralajmëron kthimin e një politike “portesh të hapura”. Por kjo përfaqëson një ndryshim nga qëndrimi i ashpër i qeverisë së mëparshme të koalicionit midis Lëvizjes Pesë Yjet të Di Maio dhe partisë Lidhja të ekstremit të djathtë të Matteo Salvinit.
Salvini u ka thënë mbështetësve të tij që të mbajnë kokën lart. Ai është duke u përqëndruar në zgjedhjet rajonale në tetor që do t’u japin votuesve mundësinë e tyre të parë për të thënë atë që mendojnë për erërat politike të ndryshimit.
VAZHDO TË LEXOSH MË TEPËR PËR TEMËN
Salvini në rrugë për të protestuar kundër qeverisë së re
Tani që Salvini iku, politikat e emigracionit do të ‘zbuten’
“Fundi i epokës së Salvinit”, Italia mirëpret 82 emigrantë
