Prej disa javësh, ju kemi konfirmuar ardhjen në Tiranë të këngëtarit me famë botërore Maluma.
Ai do të mbajë një koncert madhështor në Tiranë tek sheshi “Nënë Tereza” në datën 14 mars. Por pavarësisht këtyre, kishte ende njerëz që dyshonin për ardhjen e tij dhe nuk kishin shumë faj.
Maluma nuk kishte postuar asgjë në rrjetet sociale që lidhej me Tiranën dhe dyshimet ishin të forta. Megjithatë, për të gjithë ata që kishin merak, më në fund Maluma ka konfirmuar datën e koncertit.
Në një video ku tregon datat e turit botëror shihet edhe emri i Tiranës. Pas koncertit në Selanik, këngëtari do të vijë në Shqipëri për të festuar bashkë me ne festën e Ditës së Verës.
Deri tani janë zbuluar disa detaje nga koncerti i tij, mes tyre edhe çmimi i biletave. Shifrat variojnë nga 4500 lekë të rinj (38 euro) në zonën e quajtur Cherry, e cila ndodhet pranë skenës, deri në 3000 lekë të rinj (25 euro) për një vend në zonën Mimosa.
Maluma është ndër këngëtarët më të suksesshëm të momentit dhe duke parë se si ai ‘tërbon’ fansat në të gjithë botën, mezi po presim të na vijë në Tiranë.
VAZHDO TË LEXOSH MË TEPËR PËR TEMËN
Koncerti i Malumas në Tiranë, sa do të kushtojnë biletat
Rita Ora rrëmben çmimin ‘Latin American Music Awards 2019’
Maluma vjen me koncert në Tiranë!
