Sadije Agolli, kishte hedhur shumë kujtime të saj në ditar. Teksa ata të janë bashkuar në përjetësi, copëza meditimesh vijnë herë pas here për publikun, nga e bija. Elona, ka publikuar një faqe të ditarit të nënës së saj, që daton më 11 maj të vitit 1979.
‘Disa faqe ditari të mamit, tregojnë shumë mbi zanafillën e librave të shkruar nga Dritëroi, rrëfejnë gjendje emocionale, përshkruajnë tërthorazi veçori të kohës dhe ambientit, veçanësi të Dritëroit në fazën e krijimit…’ – shkruan Elona, në mbishkrimin e fotografisë së faqes së ditari.
“Më në fund filloi të shkruajë Dritëroi skenarin e filmit “Mosha e bardhë”. Si do t’i dalë? Besoj se do t’i pëlqehet.
Ka kaq shumë punë, humbet kaq shumë kohë me gjëra dhe probleme të Lidhjes.
Ai e ka të vështirë të përqëndrohet në krijimtarinë e tij. Është koha e koncerteve të Majit. Dritëroi shkoi katër net me radhë në koncerte. Bëri dhe tekstin e këngës “Karafilët e kuq të Majit”. Do ta këndojë Vaçe Zela. Me siguri do të pëlqehet, se dhe muzika edhe teksti janë të mirë.”
VAZHDO TË LEXOSH MË TEPËR PËR TEMËN
“Ç’t’i bësh! S’më rrihet pa shkrepur një varg”
‘Të pashë në ëndërr sot…’/ Letër për babain
