Skuadrat e Amerikës së Jugut mund t’i bashkohen turneve të UEFA-s me skuadra si Argjentina e Brazili, të cilat do të konkurrojnë përballë atyre të kontinentit tonë. Nuk është fantazi, por një plan i bujshëm që mund të vihet në praktikë shumë shpejt.
Zëvendëspresidenti i UEFA-s, Zgibi Boniek, ka zbuluar në një intervistë të dhënë së fundmi se ka UEFA praktikisht e ka vendosur se që në edicionin e vitit 2024, 10 ekipet e CONMEBOL do t’u bashkohen 55 skuadrave të kontinentit për këtë turne.
Ai do të jetë Liga e Kombeve me një numër më të madh pjesëmarrësish, por që duket gjithnjë e më shumë si një mini-Botëror.
💣 UEFA y Conmebol acordaron que las selecciones sudamericanas se sumarán a la Nations League a partir del 2024.
💣 Es un duro golpe a la idea de la FIFA de hacer un Mundial cada 2 años.
Más detalles en https://t.co/aBaQMU1Kbk pic.twitter.com/AW6iRJ7jtO
— Diario Olé (@DiarioOle) December 17, 2021
“Ky është edicioni i fundit i Ligës së Kombeve që do të zhvillohet me këtë format. Kemi zhvilluar një takim me CONMEBOL dhe që nga vitit 2024, skuadrat e Amerikës së Jugut do t’i bashkohen turneut. Si do të jetë formati? Po punojmë për të. Kalendari për ndeshjet e kombëtareve është shumë i ngushtuar ndaj nuk kemi shumë mundësi manovrimi”, – tha Boniek.
Formula e re pritet që të bëjë aktivitetin më spektakolar. Plani fillestar sheh që në edicionin e vitit 2024, 6 ekipet e para të CONMEBOL t’i bashkohen menjëherë Ligës A, e sigurisht mes tyre janë edhe Argjentina e Brazili.
Ndërsa katër skuadrat e tjera do ta nisin fillimisht në Ligën B. Ashtu si skuadrat e europiane, në turnetë pasardhës edhe ekipet e Amerikës së Jugut pritet t’i nënshtrohen rregullave të ngjitjes dhe rënies nga liga përkatëse.
