Kombëtarja e Ekuadorit rrezikon seriozisht të mos marrë pjesë në Kupën e Botës, Katar 2022, e cila do të zhvillohet mes nëntorit dhe dhjetorit.
Sipas raportimeve që vijnë nga “TyC Sports” argjentinase, Gustavo Alfaro, trajneri argjentinas i Ekuadorit ka aktivizuar ne fushatën eleminatore një futbollist me orgjinë kolumbiane. Por si është e mundur?
Fjala është për 23-vjeçarin, Byron Castillo, i cili u përdor në tetë ndeshje. Pas një hetimi u provua se Castillo kishte lindur në Tumaco, Narino. Një zonë e cila ndodhet në kufirin veriperëndimor të Ekuadorit me Kolumbinë.
Në rast se FIFA dhe CONMEBOL i heqin pikët e marra Ekuadorit dhe t’ua shpërndanin kombëtareve të tjera, atëherë Kili do të përfitonte më shumë nga kjo situatë, pasi do të kishte 24 pikë dhe do të shkonte në Kupën e Botës.
Ekuadori ka rënë pjesë e Grupit A në Kupën e Botës, ku përballjen e parë do e ketë me vendin pritës, Katarin. Gjithashtu në këtë grup janë edhe Senegali me Holandën.
VAZHDO TË LEXOSH MË TEPËR PËR TEMËN
Inter, Juve dhe Milan me ndryshime në fanella
“Kam shitur drogë, futbolli më shpëtoi”
