Gjyqtarja e qarkut amerikan Jennifer Dorsey hodhi poshtë një padi civile të paraqitur nga ish-modelja Kathryn Mayorga në lidhje me akuzat për përdhunim nga viti 2009 kundër sulmuesit të Manchester United, Cristiano Ronaldo.
Kjo për shkak të veprimeve të “besimit të keq” nga avokati i saj, Leslie Mark Stovall. Ken Ritter i Associated Press raportoi se Dorsey vendosi të premten se çështja nuk mund të vazhdonte sepse provat e përdorura nga ekipi ligjor i Mayorga u morën përmes dokumenteve të vjedhura ose të rrjedhura, duke përfshirë komunikimin midis Ronaldos dhe avokatëve të tij.
“Unë konstatoj se prokurimi dhe përdorimi i vazhdueshëm i këtyre dokumenteve ishte keqbesim, dhe thjesht skualifikimi i Stovall nuk do ta shërojë paragjykimin ndaj Ronaldos, sepse dokumentet e përvetësuara dhe përmbajtja e tyre konfidenciale janë gërshetuar në vetë strukturën e pretendimeve të Mayorga-s,” tha Dorsey.
Mayorga tha se ajo u takua me Ronaldon në një klub nate në Vegas dhe u bashkua me të me njerëz të tjerë në suitën e tij të hotelit, ku tha se sulmi seksual ndodhi më vonë. Ronaldo ka pohuar se kanë bërë seks konsensuale.
Ajo u takua me policinë të nesërmen, por nuk u dha hetuesve emrin e Ronaldos ose vendndodhjen e sulmit të supozuar. Në vitin 2018, Mayorga paraqiti çështjen civile në Nevada – ajo u zhvendos më vonë nga gjykata shtetërore në gjykatën federale – dhe policia vendosi gjithashtu të rihapë hetimin penal pasi Mayorga kërkoi që ta bënin këtë.
Prokurori i qarkut Clark, Steve Ëolfson tha në korrik 2019, nuk do të ngrihej asnjë akuzë, sepse nuk kishte prova të mjaftueshme për të vërtetuar pretendimet e Mayorga përtej një dyshimi të arsyeshëm në gjyq.
Mayorga, e cila mori 375,000 dollarë nga Ronaldo në vitin 2010 si pjesë e një marrëveshjeje konfidencialiteti, pasi ajo tha se e kishte përdhunuar, vazhdoi me padinë civile duke kërkuar më shumë se 68 milionë dollarë dëmshpërblim.
Ekipi i saj ligjor argumentoi se dokumentet e publikuara nga gazeta gjermane Der Spiegel e zhvlerësuan marrëveshjen e mëparshme dhe Stovall tha se gjatë rastit klientit të tij i mungonte “kapaciteti mendor” për të nënshkruar marrëveshjen e vitit 2010, sipas Ritter.
VAZHDO TË LEXOSH MË TEPËR PËR TEMËN
“Ronaldo mund të blejë gjithçka, por jo heshtjen e Mayorga”
Akuza për përdhunim, CR7 merr avokatin e yjeve
