Nuk ka përfunduar ende procesi gjyqësor për Cristiano Ronaldon sa i përket evazionit fiskal kur ai luante me Real Madrid. “La Audiencia Provincial” ka thirrur Cristiano Ronaldon të hënën e 14 janarit 2019 për të qenë në Madrid dhe për të ratifikuar para gjyqtarit marrëveshjen e arritur me Thesarin, pasi u akuzua se ka bërë evazion fiskal prej 14.7 milionë euro.
Në seancën dëgjimore, lojtari i Juventusit do të gjykohet si fajtor për kryerjen e katër veprave fiskale gjatë kohës së tij te Real Madridi dhe do të pranojë një dënim me dy vite burg, që synohet të konvertohet në mënyra të tjera.
CR7 tashmë e ka likuiduar gjobën ndaj Thesarit (pjesa më e madhe është paguar më 6 gusht, kur derdhi 13.4 milionë euro në arkën publike spanjolle), por ende nuk ka dalë në Gjykatë dhe përpara Prokurorit, siç është e shënuar në ligj.
Avokati i tij, José Antonio Choclán, po përpiqet që dënimin me dy vite burg ta zëvendësojë me një gjobë shtesë prej 375.000 euro, por drejtësia nuk e ka pranuar ende këtë gjë në negociata.
Këtë javë, edhe një lojtar tjetër portugez ishte në Madrid. Bëhet fjalë për Coentrao, i cili, gjithashtu, është ndëshkuar për krimin e mashtrimit financiar, me gjobën përkatëse. Ai ka kaluar nëpër të njëjtën rrugë, si dhe pesë herë fituesi i “Topit të Artë”.
VAZHDO TË LEXOSH MË TEPËR PËR TEMËN
“Ronaldo, i vjetër për 100 milionë euro”
Cristiano Ronaldo akuzohet për përdhunim
