Në ndeshjen e djeshme ka luajtur titullar për 72 minuta, duke dhënë kontributin e tij në fitoren që Liverpool arriti në transfertë. Xherdan Shaqiri po lë gjurmë këtë sezon me të kuqtë.
Mesfushori shqiptar po kalon një periudhë të shkëlqyer te Liverpool, kryesuesi i Premier League. Megjithatë, Shaqiri nuk harron edhe periudhën e tij në Itali, me skuadrën e Interit.
Aty ku u duk se zikaltrit kishin bërë blerjen më të bujshme nga Bayern Munchen dhe se shqiptari mund të bëhej lideri i ekipit të “San Siro”-s.
Nuk ndodhi kështu dhe Shaqiri, menjëherë sapo pati mundësi, u largua. Destinacioni ishte Premier League, aty ku Stoke City e priti dhe ku, më pas, u bë i mundur kalimin në “Anfield Road”.
Sot është i “përkëdhelur” nga Jurgen Kloop dhe i dashur për tifozët. E megjithatë, ka një histori të vjetër që ai ka treguar për mungesën e profesionalizmit nga ana e Interit dhe sidomos klubeve në Itali.
Për “Sport Bible”, dy vite më parë, Shaqiri do të rrëfente: “Një ditë isha i dëmtuar, por duhet të rikuperoja shpejt për të luajtur ndeshjen tjetër…Inter më tha se ishte një magjistar, një kurues që jetonte në mal.
Bëhej fjalë për në person në moshë i cili kishte aftësinë të shëronte. Mora makinën, udhëtova 1 orë e gjysmë dhe ai më kuroi, por asgjë nuk më bëri, isha si më parë”.
Më pas, Shaqiri rrëfen diferencën: “Në Angli është ndryshe. Je i dëmtuar, ke problem, atëherë janë 7 fizioterapistë që të qëndrojnë mbi kokë, të ndjekin hap pas hapi deri sa të shërohesh. Profesionalizmi vjen para së gjithash”. (Telesport)
VAZHDO TË LEXOSH MË TEPËR PËR TEMËN
“Firmos” edhe Shaqiri, Liverpool merr kreun
Gol i bukur i Shaqirit, Liverpool i pari
“Shaqiri, transferimi më i mirë i verës”
