Menu

Në rritje me 15%

200 mln euro kredi konsumi

16.11.2018

Kredia konsumatore po rritet me ritme të larta. Sipas të dhënave nga Banka e Shqipërisë, rritja më e spikatur ka ardhur në segmentin e kredisë së mirëfilltë konsumatore, të akorduar për blerjen e mallrave jo të qëndrueshëm. Në mesin e këtij viti, portofoli i kredisë bankare në lekë për këtë qëllim arriti në 24.6 miliardë lekë (rreth 200 milionë euro), me një rritje prej 15.5% krahasuar me të njëjtën periudhë të një viti më parë.

Shkarkoni Aplikacionin e Konica.al

Në rritje, por me ritëm më të ngadaltë është kredia për mallra të qëndrueshëm, që arriti në 14.8 miliardë lekë, 8.8% më shumë krahasuar me mesin e vitit të kaluar. Kredia për blerjen e mallrave të qëndrueshëm i referohet kryesisht blerjeve në vlera të mëdha, siç mund të jenë automjetet, pajisjet elektronike dhe elektroshtëpiake apo mobiljet.

Analizat e Bankës së Shqipërisë vendosin përtëritjen e konsumit të sektorit privat, si faktori më përcaktues në zgjerimin e prodhimit kombëtar këtë vit. Norma e rritjes vjetore të konsumit në tremujorin e parë 2018 ishte 3%, ndërsa konsumi dha një kontribut prej 62% në formimin e kërkesës së brendshme.

Përveç rritjes së të ardhurave nga tatimi mbi vlerën e shtuar dhe rritja e importit të mallrave ushqimore, një nga treguesit e tërthortë është pikërisht rritja e kredisë konsumatore. Sipas Bankës së Shqipërisë, rritja e konsumit është mbështetur gjithashtu nga zgjerimi gradual i punësimit dhe i të ardhurave nga puna dhe nga përmirësimi i besimit.

 

VAZHDO TË LEXOSH MË TEPËR PËR TEMËN


Rritet te bizneset dhe individët

Kredia afatgjatë arrin në 2.3 miliardë euro

“Zhvendosja” e huasë

Kredia bie në Tiranë, rritet në rrethe

Vetëm 3.9% janë me probleme

Bankat, 510 milionë euro kredi jashtë vendit