Pasi u bë e ditur se aeroplani i zhdukur është gjetur në fund të detit, babai i Emiliano Sala, Horacio, ka thënë se ai nuk mban shpresa që Emiliano do të gjendet i gjallë, por shton se një gjë e tillë do të ishte një mrekulli e vërtetë.
Piper Malibu, lloji i aeroplanit me të cilin po udhëtonte Sala nga Nantes në Cardiff, u gjet të dielën në fundin e detit, afër ishullit Guernsey.
Oqeanografi dhe shkencëtari, David Mearns, i cili i ka drejtuar kërkimet për këtë aeroplan, ka bërë të ditur se ata kishin kërkuar për disa orë radhazi para se ta gjenin aeroplanin.
Dje u raportua se Dega e Hetimit për Aksidente Ajrore e kishte gjetur një trup në pjesët e aeroplanit që ishte zhdukur. Megjithatë, ende nuk dihet nëse trupi është i Salas apo i pilotit David Ibbotson.
“Nuk mbaj shpresa se Emiliano do të gjendet i gjallë. Do të ishte një mrekulli e vërtetë. Duhet të them se ne jemi dorëzuar nga shpresa se ai do të gjendet i gjallë”, – ka thënë Horacio për Canal 13.
“Ne vetëm shpresojnë që të dy trupat të gjendet brenda aeroplanit. Kjo është e gjitha, nuk kam asgjë tjetër për të thënë. Shpresoj se të dy trupat do të jenë aty, kështu që nuk mund t’i japin fund në njëfarë mënyre kësaj tragjedie” – mbyll Horacio.
Sala dhe aeroplani me të cilin po udhëtonte, Piper Malibu, u zhdukën gjatë rrugës nga Nantes në Cardiff, më 21 janar. Policia Guernsey e përfundoi kërkimin të enjten, më 24 janar, pasi nuk gjeti asnjë gjurmë pas tri ditësh kërkime.
VAZHDO TË LEXOSH MË TEPËR PËR TEMËN
Zhduket avioni, futbollisti dyshohet se ka vdekur
Gjendet avioni i futbollistit të zhdukur
Yjet e futbollit financojnë kërkimin e Sala-s
