Schumacher dhe Ferrari një binom fitues dhe emocionues në Formula 1, që u ndal në vitin 2006 dhe që rinisi sot, pas 13 vitesh.
Në testet e zhvilluara sot në Bahrein, në pistën e Sakhir, me makinën Ferrari ka pilotuar Mick Schumacher, djali i 7 herë kampionit të botës Michael Schumacher.
Në testet e zhvilluara gjatë paradites ai u klasifikua në vendin e gjashtë, duke dhënë kohën 1’ 32” 552, vetëm 3 të dhjetat më i avashtë se Lewis Hamilton.
Sesioni i paradites u ndal më herët për shkak të shiut, ndërkohë që do të vijojë sërish gjatë pasdites.
Gjithsesi, emocionet e një Schumacher te Ferrari ishin të mëdha. Në Bahrein ka qenë edhe Corina Schumacher, mamaja e Mick dhe bashkëshortja e Michael, që ka ndjekur nga afër debutimin e djalit të saj me “kokëkuqen”.
VAZHDO TË LEXOSH MË TEPËR PËR TEMËN
Mick Schumacher debuton në Formula 2
Mick në Formula 1? E vështirë për 2019-n…
