Festivali Folklorik Kombëtar i Valles Burimore, sapo ngriti siparin në Lushnjë. Grupet folklorike nga të gjitha trevat shqiptare, do të prezantohen me në këtë festival, me repertorin e përzgjedhur të traditës popullore.
Muzika dhe vallja tradicionale, ashtu si lulëzimi i natyrës, kanë veshur Lushnjën këto ditë pranvere.
Qyteti myzeqar pret kështu, edicionin e X, të festivalit Folklorik Kombëtar të Valles Burimore.
Para skenës, grupet folklorike mbushën përplot rrugët e qytetit, nën tingujt e muzikës popullore.
Sikur e do tradita, tashmë 10-vjeçare e kësaj nisme, në ruajtjen e kultivimin e burimit popullor të pashtershëm, grupi folklorik “Vaçe Zela”, ishte i pari që çeli festivalin.
Nata e parë në skenë, solli para publikut dhe jurisë interpretimin e grupit të Dropullit, ndjekur nga ai i Klosit e të tjerë me radhë.
Për dy net me radhë, juria do të ndjekë secilin grup përfaqësues, për të shpallur më pas edhe fituesit e këtij edicioni jubilar./Konica.al
Përgatiti: Hera Lera