Ndër mbështetësit më të mëdhenj të Kosovës, sigurisht, do të mbahet mend George H.W Bush, për kontributin e pakursyer në rrugën drejt lirisë.
Më poshtë, mund të lexoni letrën që Bush i kishte dërguar Millosheviçit, në vitin 1992.
“Në rast të konfliktit në Kosovë, të shkaktuar nga veprimet e Serbisë, Shtetet e Bashkuara të Amerikës do të jenë të gatshme të përdorin forcën ushtarake kundër serbëve në Kosovë e Serbi”, – kështu ka thënë presidenti tashmë i ndjerë, George Bush, në letrën që ia kishte drejtuar Sllobodan Millosheviçit më 25 dhjetor të vitit 1992, shkruan New York Times.
E më vonë, pasuan edhe deklarata tjera nga politikanë të ndryshëm të Shteteve të Bashkuara të Amerikës, që mbështetën deklaratën e Bushit.
Sekretarja e Shtetit asokohe, Warren Christopher, më 13 shkurt të vitit 1993, kishte deklaruar se “Mbeten të përgatitur për t’u përgjigjur kundër serbëve në rast të konfliktit në Kosovë”.
Pasuan deklarata të ngjashme edhe nga Robert Gelbart, përfaqësuesi SHBA-së për Ballkanin, që tha se “Politika amerikane nuk ka ndryshuar”.
Madeleine Albright, në mars të vitit 1998, kishte thënë se “Koha për të ndaluar vrasje është tani. Mënyra për ta bërë këtë është të ndërmerren veprime të menjëhershme kundër regjimit në Beograd”.
Më vonë, pasuan edhe deklaratat dhe aksionet që ishin zbatim i mbështetjes së Bushit për Kosovën. Presidenti Bill Clinton, më 9 qershor të vitit 1998 kishte thënë:
“Jam i vendosur të bëj gjithçka që mundem për të ndaluar një përsëritje të masakrës njerëzore në Bosnjë dhe atë “pastrim etnik”. Kam autorizuar njerëz dhe jam duke mbështetur një proces të përshpejtuar të planifikimit për NATO-n”, – kishte thënë Clintoni.
VAZHDO TË LEXOSH MË TEPËR PËR TEMËN
‘Amerika s’ka ndryshuar qëndrim për Kosovën’
‘Ata që flasin për ndryshim kufijsh janë proserb e prorus’
‘Amerika na ka ‘mbyllur’ gojën për Kosovën’
