Përfundojnë edhe dy ndeshjet e tjera të Kategorisë Superiore. Partizani ka vuajtur sërish, por rikthehet te fitorja pas 3 humbjesh, duke mposhtur 1-0 Vllazninë. Fiton edhe Kukësi 2-1 ndaj Skënderbeut.
Të kuqtë, të demoralizuar nga tri humbjet e fundit, e kanë pasur të vështirë në pjesën e parë. Shto edhe terrenin e rënduar, pjesa e parë nuk kishte gola në “Selman Stërmasi”.
Megjithatë, në minutën e 62-të Bitri do të zhbllokonte shifrat. Një gol që do të rezultonte vendimtar për fatet e takimit, pasi më pas edhe ritmi ka rënë ndjeshëm.
Në ndeshjen tjetër, Skënderbeu ka surprizuar Kukësin në minutën e 32-të, madje e ka mbyllur pjesën e parë në favor 0-1, duke shpresuar te kthesa.
Por në pjesën e dytë verilindorët kanë rritur ndjeshëm ritmin dhe në minutën e 60’ erdhi goli i barazimit nga Rroca. Situata do të komplikohej për Skënderbeun kur Asion Daja del me të kuq.
Pavarësisht se Kukësi insistoi fort në fund për të gjetur golin e fitores, verilindorët nuk ia dalin dot, duke lënë dy pikë me mjaft vlerë, pasi rivalët kanë fituar.
VAZHDO TË LEXOSH MË TEPËR PËR TEMËN
Tirana triumfon edhe në Laç, Bylis kap Kukësin
