Formula 1 ishte sporti i vetëm që pritej të zhvillonte garën e saj të para sezonale, por pas disa rasteve të dyshuara si të prekur me koronavirus, nëpër stafet e skuadrave dhe tërheqjes së britanikëve të McLaren, organizatorët më në fund janë tërhequr dhe kanë vendosur shtyrjen e startit të sezonit.
Në Melbourne të Australiasë gjithçka ishte gati për të startuar me provat e lira dhe ishin shitur të gjitha biletat për garën, por situata aspak normale e krijuar, bëri që të vijë vendimi për moszhvillimin e garës që do të ngrinte siparin e sezonit të ri.
Gjatë ditës së djeshme ishte piloti kampin bote, Leëis Hamilton, që u shpreh i zhgënjyer me vendimin për të garuar, pasi sipas tij bota ishte në një gjendje jonormale dhe se gjëja primare ishte shëndeti i njerëzve.
Më pas edhe gjermani Sebastian Vettel, në një deklaratë për mediat, tha se të 20 pilotët pjesëmarrës në këtë sezon të Formulës 1 janë gati të “ngrenë frenat e dorës” dhe të lënë në plan të dytë aktivitetin sportive. Për momentin nuk ka asnjë deklaratë për garën e ardhshme dhe kur do të zhvillohet.
VAZHDO TË LEXOSH MË TEPËR PËR TEMËN
Formula 1 nuk ndalet, Hamilton: Komandojnë paratë!
