Si e gjitha bota, edhe futbollistët janë vetëizoluar në shtëpitë e tyre. Por kjo nuk e ndaloi klubin e Zenit San Petersburg në Rusi që të ndajë ashtu si zakonisht çmimin e lojtarit të muajit, që këtë herë shkoi për mesfushorin brazilian Malcom.
E veçanta e ndarjes së çmimit është se ai ju dorëzua futbollistit nëpërmjet një droni në shtëpinë e tij. Në videon e shpërndarë nga klubi rus, Malcom sqaroi për tifozët se si iu kërkua nëpërmjet një mesazhi që të hapte dritaren e apartamentit të tij dhe një dron i dorëzoi futbollistit trofeun.
Zenit sent Malcom’s Player of the Month award to him by drone! ? pic.twitter.com/Y0pl5CA1tq
— Sky Sports Football (@SkyFootball) April 11, 2020
Në muajin mars, Malcom luajti 3 ndeshje për Zenitin duke shënuar 1 gol dhe duke dhuruar një assist, ndërkohë që aktualisht kampionati rus është ndërprerë si pasojë e pandemisë së Covid 19.