Rekordet janë bërë për t’u thyer dhe kush më mirë se Robert Lewandowski di ta bëjë këtë. Sulmuesi polak po vijon të jetë i frikshëm me statistikat sezonale, duke qënë kandidat potencial për Këpucën e Artë Europiane. Goli i shënuar këtë fundjavë ndaj Eintracht Frankfurt në fitoren 5-2 i dha forcë Bayernit për të reaguar dhe për të qënë e qetë në rrugën drejt titullit.
Por me 27 golat e shënuar me fanellën bavareze deri në këtë pikë të sezonit, Lewa është në korsinë e duhur për një tjetër rekord, atë të shënuesit më të mirë në historinë e Bundesligës. Rekordi aktual mbahet nga ish-sulmuesi legjendar i Bayern Munich, Gerd Muller me 40 gola.
Kjo shifër që kërcënohet seriozisht nga 31-vjeçari nga Varshava. Aktualisht, Lewandowski ndodhet në vendin e shtatë në këtë klasifikim interesant. Para tij gjendet, ish-sulmuesi i Hannover 96, Uve Seler me 30 gola aq sa Jupp Heynckes.
Legjenda e Bayern Munich dhe Gjermanisë, Gerd Müller, është golashënuesi më i mirë i Bundesligës i të gjitha kohërave. Ai e mbylli karrierën e tij me 365 gola në 427 ndeshje, ndërsa mban rekordin si “goleadori” më i mirë i Bundesligës.
Në sezonin 1971-1972 “DER Bombert” shënoi 40 gola, ku koleksionoi 4 tregolësha, një “poker” dhe një “manita”. Por ky rekord kërcënohet seriozisht nga Lewandowski që në 7 javët e mbetura i duhet të shënojë të paktën 14 gola për të qenë ai në historinë e mrekullueshme të Bundesligës.
VAZHDO TË LEXOSH MË TEPËR PËR TEMËN
Nga lufta dhe i pangrënë, te Bayern Munchen
Dita e udhëtuesve, Werner shënon 3 gola
