Një episod që ka hyrë histori, e ndodhur në finalen e Botërorit 2006, mes Francës dhe Italisë, e fituar nga axurrët me penallti pas kohës shtesë. Të shumta kanë qenë diskutimet për shumë vite, kur Zinedine Zidane goditi me kokë Marco Materazzin, duke u ndëshkuar me karton të kuq.
Në një lidhje direkte me gazetarin e emisionit italian “Le Iene”, Nicolo De Devittizzi, Materazzi ka zbuluar të vërtetën e incidentit të bujshëm, duke u shprehur: “Goditja me kokë e Zidane? Nuk e prisja në atë moment. Fati im ka qenë se nuk e prisja që të ndodhte. Nëse do të kisha qenë gati, do të kishim përfunduar të dy në dhomat e zhveshjes. Patëm një kontakt në zonë.
Ai shkoi afër golit në pjesën e parë dhe Gattuso më tha ta mbuloja. Pas kontaktit të parë, kërkova falje, ai reagoi keq. Në përplasjen e tretë, kam shpërthyer, kur e kapa pak për bluze. Ai më tha: ‘fanellën ta jap pastaj’. Unë iu përgjigja se preferoja atë të së motrës…”. Pastaj erdhi goditja me kokë.
VAZHDO TË LEXOSH MË TEPËR PËR TEMËN
“Nuk isha idiot të bridhja, pija ujë”
“Isha 14 vjeç, me Zidane u ndjeva si në Hënë”
“Prita 4 vjet, pastaj e dërgova në spital”
