Uruguajani Diego Godin është në prag të largimit nga Inter. Përvoja e tij te zikaltrit pas një viti nuk dha rezultatet e dëshiruara. Mbërriti me një transferim falas, pasi mbaroi kontratën e tij tek Atletico Madrid, por mbrojtësi amerikano-jugor nuk ishte në pritshmëritë e klubit nga Milano.
Dhe tashmë sytë janë hedhur te mbrojtësi shqiptar Marash Kumbulla, i datëlindjes 2000. Pjesëtari i ekipit kombëtar shqiptar ka bërë një sezon fantastik me Verona-n dhe vlera e tij nga 4 milionë euro ka shkuar në 30 milionë.
Trajneri Conte preferon Vertonghen, por në klub janë të bindur për dy fakte. Së pari, tashmë e njeh mirë Serie A dhe është në moshë të re, ku mund të bëhet lider i mbrojtjes zikaltër. Por Inter duhet të nxitojë, pasi Juventus dhe Lazio gjithashtu kërkojnë shërbimet e talentit shqiptar.
VAZHDO TË LEXOSH MË TEPËR PËR TEMËN
Verona shkëlqeu falë dy shqiptarëve
Inter e ka seriozisht për dyshen shqiptare
