Pasi u shpall kampion dhe fitoi Kombëtaren shqiptare, Lorenc Trashi përgatitet t’i thotë “mirupafshim” Partizanit dhe futbollit shqiptar. Në një postim në rrjetet sociale, një ndër futbollistët më të mirë të kampionatit shqiptar, pjesë e Shqipërisë, ka vetëm fjalë falënderimi për të gjithë.
Pas 6 viteve pjesë e Partizanit, Lorenc Trashi ka vendosur të largohet nga të kuqtë, për të kaluar te skuadra nga Kuvajti, Al-Qadsia. Me këta të fundit, mbrojtësi i djathtë ka nënshkruar një kontratë për 5 sezonet e ardhshme dhe do të bashkohet me ekipin e ri sapo të hapen kufijtë.
Në një postim të bërë së fundmi, Trashi i ka falënderuar të gjithë, duke filluar nga klubi, për të vazhduar me presidentin, menaxherin, tifozët dhe familjen e tij. Në postim, Trashi falënderon tifozët e kuq për gjithçka, duke shtuar se pa ta asgjë nuk do të kishte kuptim.
POSTIMI I LORENC TRASHIT
“Dua t’ju njoftoj te gjithëve se që nga dje kam arritur marrëveshjen me klubin më të madh në Kuvajt Al-QADSIA CLUB dhe do jem pjesë e tyre për 5 sezone. Dua të falënderoj presidentin Demi për “OK” që më dha për këtë transferim dhe çdo gjë që ka bërë për mua në këto 6 vite si pjesë e Partizanit.
Falënderoj menaxherin tim që bëri te mundur këtë transferim Franci Bode. Patjetër të gjithë stafin e Partizanit nga i pari tek i fundit, i falënderoj për çdo moment që kemi kaluar së bashku në të mirë e në të keqe kemi qenë një familje e madhe bashkë.
S’mund te harroj protagonistët kryesor nga këto 6 vite më të bukura, tifozët e Partizanit. Faleminderit për mbështetjen që më keni dhënë në çdo moment të keq dhe të mirë dhe faleminderit qe keni treguar një respekt shumë të madh për mua.
Faleminderit për prezencën tuaj në stadium dhe faleminderit grupimit më të madh në Shqipëri “Ultras Guerrils”, pa ju nuk ka kuptim asgjë, ju i jepni fuqi ekipit dhe e motivoni për te dhënë maksimumin çdo lojtar që vesh atë fanelle te rëndë të Partizanit, faleminderit “Ultra Guerrils” faleminderit!
Gjithashtu familja ime që nuk ka reshtur kurrë duke më mbështetur. Prindërit e mi, motrat e mia dhe e fejuara ime qe kanë qenë pranë meje ditë, natë me problemet dhe gëzimet e mia, duke me motivuar që unë të arrij objektivat e mia. Faleminderit! Faleminderit Familja e Kuqe e Partizanit, shpresoj të jemi përsëri së bashku një ditë!”
VAZHDO TË LEXOSH MË TEPËR PËR TEMËN
Trashi firmos në Kuvajt, ja sa përfitojnë palët
