Manchester City nuk fiton sërish në Premier League dhe që në start nuk arrin të ruajë ritmin e skuadrave pretendente. Sitizens nuk kanë shkuar më shumë se një barazim 1-1 në transfertë ndaj Leeds United.
Manchester City ka zhbllokuar ndeshjen me anë të Sterling. Sulmuesi ka shënuar në minutën e 17′. Torres pasoi mirë dhe lojtari u shmang mjaft mirë diagonal me zonën duke përshëndetur rrjetën për 0-1.
Leeds ka arritur të barazojë rezultatin në minutën e 59′ me anë të Rodrigos. Nga një goditje këndi dhe portieri Ederson doli duke gabuar rëndë. Braziliani nuk grushtoi si duhet dhe la topin në zonë, sulmuesi Rodrigo me portën e boshatisur nuk e kishte të vështirë për 1-1.
Ndeshja ishte e hapur deri në fund, por të besuarit e Pep Guardiolas ishin konfuzë, madje vendasit mund të kishin ndëshkuar me një gol të dytë. Një pikë e meritur për Leeds, që po tregon vlera pas rikthimit në Premier League.
VAZHDO TË LEXOSH MË TEPËR PËR TEMËN
Everton nuk ndalet, kryeson i vetëm me 4 fitore
