Pas barazimit me Fulham, Tottenham i është rikthyer fitores, kësaj here në transfertë 1-3 ndaj Sheffield United. Një sukses që ngjit Spurs në vendin e katërt, pranë ekipeve kryesuese.
Tottenham ka gjetur golin pas vetëm 5 minutave lojë, duke realizuar me Serge Aurier. Futbollisti ka realizuar nga goditja e këndit. Krosimi i bukur i Son te shtylla e parë gjeti gati francezin, që me kokë gozhdoi portën kundërshtare.
Harry Kane ka dyfishuar rezultatin në 40’. Sulmuesi anglez ka realizuar bukur në hyrje së zonës pasi u ka rezistuar dy futbollistëve kundërshtarë. Skuadra e Mourinhos e mbyll pjesën e parë 0-2.
Tottenham ka shënuar edhe golin e tretë në 62’ vetëm 3 minuta pasi Sheffield United ngushtoi diferencën në 1-2. Skuadra e Mourinhos ka realizuar një supergol me Ndombele, pikërisht i konsideruar si “armiku” i Jose Mourinho dhe ai që ishte me valixhe në duar (bashkë me Serge Aurier). Nuk pati më gola në 30 minutat e fundit.
VAZHDO TË LEXOSH MË TEPËR PËR TEMËN
PSG merr kreun në Francë, Leicester i dyti në Angli
