Sezoni i parë në Formula 1 për Mick Schumacher, një pilot i Haas, por që mbetet thellësisht i lidhur me ngjyrat e kuqe të Ferrarit. “Unë e di që babai im është pjesë e historisë së Ferrarit dhe tani është mirë që edhe unë të jem pjesë e kësaj historie”.
Djali i shtatë herë kampionit të botës Michael kujton: “Kur e shoqërova atë në Fiorano për provat, shihja xhirot e tij nga tribuna. Dhe tani sa herë shkoj në Fiorano, ku babai im ka përshkuar qindra e qindra xhiro, është diçka emocionuese”.
“Çmimi i parë i madh? Nuk kam kujtime të shkëlqyera për të thënë të vërtetën, mbase duhet të kem qenë gjashtë vjeç. Udhëtimi im i parë me të ishte në Melbourne dhe Kanada. Ai ishte ende i impresionuar që më kishte mua.
Ishte viti 2010 (kur babai po garonte për Mercedes). Janë kujtime të veçanta. Kur je fëmijë, nuk arrin shumë, thjesht vëzhgon makinat që ecin shpejt në një pistë. Por ju nuk e kuptoni se ku jeni, tani e di mirë, është ndryshe, një vend i veçantë”.
“Çfarë më sugjeron Binotto? Ai më kërkon të argëtohem, të shijoj atë që po bëj, sepse vetëm në këtë mënyrë mund të nxjerrësh të gjithë potencialin që është brenda. Dhe nëse ai pasion përcillet në skuadër, do të jesh përherë në gjendje të fitosh gara dhe kampionate.”
