24.07.2021 - 19:42
Është momenti i Rey Manajt, që vazhdon të shkëlqejë me ekipin e parë të Barcelonës. Sulmuesi i Kombëtares shqiptare po shfrytëzon çdo mundësi që po i jepet me katalanasit, për të treguar formën e vet dhe sot ka shënuar përsëri.
I rreshtuar mes titullarëve në sfidën e sotme ndaj Girona, Manaj e ka kërkuar që në fillim golin dhe e ka gjetur në minutën e 24-t të sfidës. Pas një aksioni nga e majta, ai e kërkoi topin në qendër dhe i vetëm para portierit ia kaloi sferën mes këmbëve këtij të fundit.
Manaj sigloi shifrat në 2-0 për ekipin e tij mes duartrokitjeve të tifozëve të pranishëm. Goli i parë u shënua nga Pique me penallti. Në ndeshjen e parë të skuadrës në fazën përgatitore, Manaj shënoi 3 gola në suksesin 4-0 ndaj Gimnastic.
VAZHDO TË LEXOSH MË TEPËR PËR TEMËN
Tripleta që la shenjë
Dy klube të Serie A kërkojnë Rey Manajn
Mediat spanjolle për Rey Manaj
Tre gola në 30 minuta, “vrasës” me karakter dhe trim
Sulmuesi shqiptar
