Pas australianëve, janë sportistët holandezë që tregojnë vështirësitë e Olimpiadës “Tokyo 2020”. Ata kanë mbetur të zhgënjyer nga atmosfera e krijuar në Fshatin Olimpik, ku shumicën e kohës ishin të izoluar dhe të mbyllur, pa patur mundësi të lëvizin.
Kjo, si pasojë e masave të ashpra që ishin marrë për shkak të pandemisë nga organizatorët. Gjatë Olimpiadës, 5 pjesëtarë të delegacionit olimpik holandez dolën pozitivë me koronavirus, duke bërë që edhe persona të tjerë të hyjnë në karantinë.
Ndaj, sportistët e kanë konsideruar këtë situatë jo të këndshme, duke e quajtur karantinën e detyrueshme si “burg olimpik”. Candy Jacobs, sportiste e garave me patina, tha:
“Kemi protestuar disa herë gjatë Olimpiadës, pasi nuk hapeshin dritaret dhe ne kishim nevojë për ajër të pastër. Dritaret ishin të mbyllura, dyert hapeshin vetëm kur vinte ushqimi. Kjo ishte e padurueshme”.
Këto deklarata u mbështetën edhe nga tenisti Jean-Julier Rojer dhe kanoisti Finn Florijn: “Ishim të mbyllur në dhomat tona brenda si në burg. Ishte një burg olimpik. Të mbyllur, të izoluar.”
VAZHDO TË LEXOSH MË TEPËR PËR TEMËN
“Mos lejoni që talebanët të më heqin të drejtat themelore”
Gjesti human, shiti medaljen për një fëmijë
