Atletja holandeze Sifan Hassan bën mrekullinë. Në xhiron e fundit në baterinë e saj në 1.500 metra në Tokyo, ajo u rrëzua pasi u përplas me kenianen Edinah Jebitok. Nga e fundit, del e para, vërtet fantastike!
Hassan e rimori veten nga ky rrëzim dramatik, për të fituar në baterinë e saj në 1500 metra dhe për t’i mbajtur gjallë shpresat për një tripletë të paparë në Lojërat Olimpike.
Atletja holandeze është në garë për t’i fituar medaljet e arta në tri gara të ndryshme në vrapim 1.500 metra, 5.000 metra dhe 10.000 metra. Nëse ia arrin qëllimit, ajo do të futet në histori duke u bërë atletja e parë që e arrin këtë veçori.
This is an incredible recovery by the #Netherlands’ Sifan #Hassan who fell down with a lap to go in the 1500m, got up, and won her heat.
— Paul Almeida (@AzorcanGlobal) August 2, 2021
Hassani u çua në këmbë shpejt dhe nga vendi i 11-të vrapoi si e çmendur për ta arritur gjysmëfinalen. 28-vjeçarja nuk ka shumë kohë për ta rimarrë veten nga kjo garë dërrmuese, sepse sot pasdite do të garojë në finalen e vrapimit në 5.000 metra.
Hassani i ka fituar titujt e botës në 1.500 metra dhe 10.000 metra, si dhe medaljen e bronztë në 5.000 metra. Të shohim se çfarë do të bëjë kësaj here.