Reagon sërish grupimi “Tifozat Kuq e Zi”. Përsëri ka lidhje koncertin e këngëtarit serb Goran Bregoviç në Festivalin e Birrës në Korçë. Sipas një statusi të publikuar në rrjetet sociale, tifozët e këtij grupi janë duke u përballur “me një represion psikologjik” nga Policia.
Koncerti i Goran Bregovic pritet të mbahet në Korçë më 22 gusht, ndërsa ka shkaktuar polemika të mëdha dhe protesta kundër koncertit të këngëtarit serb.
POSTIMI I TKZ
“Dje dhe sot jemi përballur me një represion psikologjik të jashtëzakonshëm nga ana e autoriteteve policore në shumicën e qyteteve të Shqipërisë administrative.
Dhjetëra përfaqësues e anëtarë tanë, janë shoqëruar nëpër komisariate duke ushtruar dhunë psikologjike, me kërkesën për heqje dorë nga thirrja jonë për bojkotimin e këngëtarit serb në festivalin e birrës në Korçë.
Nuk na frikësoni! Nuk zbrapsemi! Shqipëria jonë është më e madhe se ato kilometra që administron Ministria e Brendshme. Tërhiqeni ftesën për Bregoviçin!”
VAZHDO TË LEXOSH MË TEPËR PËR TEMËN
“Tifozat Kuq e Zi”: Bregovic larg Korçës!
“Bojkoto Bregovic”, TKZ aksion para Bashkisë Korçë
