Ajo nuk është si partneret e tjera të futbollistëve të famshëm. Është po aq e këndshme, e pranishme edhe në rrjetet sociale, por asnjëherë e përmendur për ndonjë skandal apo histori rozë. Fjala është për Antonela Roccuzzo, bashkëshortja e Lionel Messit.
Ylli argjentinas te PSG ende nuk është ai që të dashuruarit me futbollin kanë parë te Barcelona. Përshtatja në skuadrën e re, ku luajnë edhe emra të tjerë të mëdhenj, si Neymar e Mbappe, ka kërkuar kohë.
Por nuk është vetëm kjo. Nga Spanja vjen një lajm i bujshëm, që mund të ketë ndikim në të ardhmen e afërt të sulmuesit. Gazeta katalane “El Nacional” siguron se bashkëshortja e “Pleshtit”, po jeton një makth të vërtetë në Francë.
Bukuroshja Antonela Roccuzzo thuhet se është e pakënaqur me jetën e saj të re në Paris, mes motit të keq dhe një gjuhe tjetër të komplikuar. Familja e Messit jeton në një shtëpi të madhe, në një zonë ekskluzive të qytetit, por nuk mjafton.
Antonela kërkon të kthehet në Katalonjë, ku të gjithë ishin të lumtur. Për këtë zonja Messi dyshohet se po i bën presion bashkëshortit të saj që të bëjë gjithçka që është e mundur për t’u rikthyer në klubin e tij të vjetër.
Sipas “The Sun”, megjithatë, Messi planifikon të respektojë kontratën e tij me Paris Saint-Germain, e cila do të skadojë në vitin 2023. Roccuzzo nuk ka ndikuar asnjëherë në vendimet e Messit, por duket se kësaj here po shtyn argjentinasin drejt një kthese të fortë.
VAZHDO TË LEXOSH MË TEPËR PËR TEMËN
Fotoja që Messi vendosi rekord në “Instagram”
Vallëzimi i Messit në mbrëmjen e Vitit të Ri
Messi driblon edhe fëmijët, shihni çfarë bën ai në shtëpi
