Në shtëpinë e Lazios për momentin ka vetëm një çështje të nxehtë, një çështje që kërkon zgjidhje të shpejtë, bëhet fjalë për Thomas Strakosha. Klubi kryeqytetas e riktheu titullar edhe në Serie A por sërish nuk mjafton që gardiani kuqezi të bindet për të rinovuar kontratën e tij aktuale që i skadon në fund të këtij sezoni.
Në këto kushte ku as Reina nuk ofron garanci, Igli Tare po shqyrton tregun e transferimeve për të gjetur një zëvendësues të denjë. Sipas mediave italiane, Kepa i Chelsea mbetet dëshira e parë por së fundmi në skenë ka dalë edhe emri i Yann Sommer, 33-vjeçari që aktivizohet te Borussia Mönchengladbach.
Për momentin gjithçka mbetet në rrafshin e sondazheve pasi situata mund të ndryshojë nëse Strakosha pranon të rinovojë. Klubi nuk i ka vënë ultimatum gardianit shqiptar, tani është Strakosha që duket se po luan me “nervat” e drejtuesve.
VAZHDO TË LEXOSH MË TEPËR PËR TEMËN
Keidi Bare fiton penallti për Espanyol
Nga trajner në Amerikë tek analiza e Kombëtares, rrëfimi i Agollit
