Presidenti rus Vladimir Putin ishte në Romë për një vizitë rrufe përfshirë bisedimet me qeverinë populiste të Italisë, e cila ka bërë thirrje për lehtësimin e sanksioneve pavarësisht nga kriza e vazhdueshme e Moskës me Perëndimin.
Kryeqyteti italian është vënë nën masat e një plani të veçantë sigurie për të garantuar vizitën një ditore të presidentit rus, Vladimir Putin.
Prej mbrëmjes së djeshme qendra e Romës është blinduar nga kontrollet e forcave speciale si dhe është ndaluar qarkullimi i automjeteve të rënda që transportojnë mbi 35 kv mallra.
Rreth 1000 mijë forca policie do patrullojnë përgjatë rrugëve të lëvizjes së Presidentit rus si dhe në pikat strategjike në çatitë dhe lartësitë e Romës janë pozicionuar snajpera vëzhgues.
Zëvendëskryeministri Matteo Salvini shpesh ka shprehur admirim për Putinin dhe qeveria e tij e koalicionit mbron shqyrtimin e sanksioneve të BE kundër Rusisë.
“Njerëzit si ai] që veprojnë në interes të qytetarëve të tyre, duhet të ketë dhjetra në këtë vend”, tha Salvini vitin e kaluar, pak pasi u zgjodh.
Putin i ktheu lavdërimet në një intervistë këtë javë me Corriere della Sera, duke përshëndetur “qëndrimin mikpritës” të Salvinit në Rusi.
“Lidhja dhe udhëheqësi i saj Salvini mbështesin në mënyrë aktive rivendosjen e bashkëpunimit të plotë midis Italisë dhe Rusisë. Ata po shtyjnë për një heqje të shpejtë të sanksioneve anti-ruse të paraqitura nga SHBA dhe BE,” tha Putin. “Salvini ka një qëndrim mikpritës ndaj vendit tonë dhe është i informuar mirë për situatën në Rusi”.
Kremlini thotë se Putin dëshiron të diskutojë marrëdhëniet Rusi-BE, situatën në Siri, Ukrainë dhe Libi dhe programin bërthamor të Iranit me qeverinë pro-ruse të Italisë.
Këshilltari i Kremlinit Yuri Ushakov u tha gazetarëve në Moskë përpara vizitës se “Italia është një nga partnerët tanë kryesorë në Evropë”.
Kryeministri italian Giuseppe Conte ka premtuar të ndjekë një “rishikim” të sanksioneve të BE të imponuara pasi Rusia aneksoi Krimenë në vitin 2014.
Salvini dhe zëvendëskryeministri i tij Luigi Di Maio do të hanë një darkë me Putin në mbrëmje, pas së cilës Putini do të takohet me mikun e tij të vjetër, Silvio Berluskoni.
“Silvio është një udhëheqës i vërtetë i cili fuqishëm mbron interesat e vendit të tij në arenën ndërkombëtare”, tha Putin për Corriere della Sera.
VAZHDO TË LEXOSH MË TEPËR PËR TEMËN
Polakët dhe italianët po bashkojnë forcat kundër BE-së?!
2019, vit edhe më i vështirë për Putinin…
Orban dhe Salvini ndryshojnë peisazhin politik në Europë?
