Ndeshja ka nisur keq për miqtë. Portieri i Manchester City-t, Ederson, ka bërë një dalje skandaloze gjatë një kundërsulmi të Wolves dhe për këtë arsye ka marrë menjëherë kartonin e kuq nga arbitri Atkinson.
Më pas, miqtë kanë pasur mundësinë të kalonin në avantazh pas penalltisë së akorduar në favor të tyre. Sterling e ka humbur me tentativën e parë, por VAR e ka quajtur të parregullt, pasi portieri ka bërë një hap përpara.
Edhe në tentativën e dytë Sterling e ka humbur, por topi ka shkuar përsëri te këmbët e tij dhe këtë herë e ka shtyrë në rrjetë. I pafat portieri vendas.
Po Sterling në 50’ do të realizonte golin e dytë për City-n. Por kur u mendua se ndeshja u fitua, Wolves tregojnë forcën. Pas 5 minutash ngushton Traore, ndërsa Jimenez në 84’ barazon shifrat.
Por “Ujqërit” nuk do të ndaleshin këtu, pasi në 90’ shënojnë edhe golin e tretë me autor Doherty. Një fitore që vlen shumë për vendasit, që shpresojnë surprizën për në Champions.
VAZHDO TË LEXOSH MË TEPËR PËR TEMËN
Liverpool turpëron “Dhelprat”, shkëputet në krye
Rikthehet United, Champions nuk është utopi
