Marash Kumbulla luajti një tjetër ndeshje të mirë me Veronën, duke ndalur Milanin 1-1. Mbrojtësi kuqezi u vlerësuar me notën e lartë 7 nga mediet italiane.
Ndërkohë, Observatori i Futbollit në Europë (CIES) ka bërë një studim në lidhje me lojtarët premtues që luajnë në kampionatet kryesore të Europës, duke analizuar minutat që lojtarët e datëlindjes 2000 kanë luajtur në kampionat gjatë këtij sezoni.
Lojtari më i aktivizuar është mesfushori i Parma-s, Dejan Kulusevksi, i cili do të veshë fanellën e Juventus-it sezonin e ardhshëm. Ai ka kaluar në fushë 95% të minutave të përgjithshme të zhvilluara nga skuadra e tij.
Në podium është edhe Tonali, titullar me Brescia-n me 94% të minutave të luajtura. Vendin e tretë e zë mbrojtësi i krahut i Norwich, Max Aarons (92%).
Pak më poshtë, në vendin e nëntë, pozicionohet talenti i Shqipërisë, Marash Kumbulla (61%). Talenti 19-vjeçar po zhvillon një sezon shumë të mirë në Serinë A, aq sa për të janë interesuar skuadra si Manchester United, Inter, Napoli apo Lazio.