Belgjika është vendi që ka prodhuar më shumë futbollistë të cilët debutuan në 5 ligat kryesore të Europës, ndërsa Ajax është klubi që ka shitur ose ka huazuar më shumë lojtarë në këto kampionate, me plot 22 futbollistë aktivë.
Ky është studimi i fundit i Observatorit të Futbollit Europian CIES, që ka publikuar listën e 20 klubeve që kanë nxjerrë më shumë futbollistë dhe që aktivizohen në 5 ligat më të forta të Evropës. Belgjika përfaqësohet nga 4 klube: Gent, Club Brugge, Anderlecht dhe Genk, teksa në total janë 45 futbollistë aktivë në kampionatet më të mira të kontinentit evropian.
Ajo që bie në sy është mungesa e klubeve italiane në “top 20”. Argjentina përfaqësohet me tre klube, si Estudiantes, River Plate dhe Boca Juniors, duke kaluar akademitë braziliane, që dikur ishin furnizuesit më të mëdhenj në Europë.
Portugalia gjithashtu vijon të mbetet një vend ku akademitë prodhojnë shumë talentë dhe që më pas shiten në vendet e tjera. Porto, Sporting Lisbonë dhe Benfica kanë aktualisht të shpërndarë në 5 ligat kryesore plot 53 futbollistë.
Interesant është fakti që vetëm Benfica ka 21 lojtarë dhe jo më kot renditet në vendin e dytë. Vendi i tretë shkon për Salzburgun e Austrisë, me 20 futbollistë. Kryeson Ajax me 22 futbollistë, të cilët të dalë nga akademia e famshme luajnë në 5 ligat kryesore.
RENDITJA E KLUBEVE QË PRODHUAN MË SHUMË
20) GENT (Belgjikë) – 7 lojtarë
19) ESTUDIANTES (Argjentinë): 7 lojtarë
18) OLYMPIACOS (Greqi): 8 lojtarë
17) LE HAVRE (Francë): 8 lojtarë
16) LEEDS UNITED (Angli): 8 lojtarë
15) RIVER PLATE (Argjentinë): 8 lojtarë
14) BOCA JUNIORS (Argjentinë): 9 lojtarë
13) COPENHAGEN (Danimarkë): 10 lojtarë
12) BARCELONA B (Spanjë): 11 lojtarë
11) DINAMO ZAGREB (Kroaci): 11 lojtarë
10) BRUGES CLUB (Belgjikë): 11 lojtarë
9) ANDERLECHT (Belgjikë): 13 lojtarë
8) BASEL (Zvicër): 15 lojtarë
7) PORTO (Portugali): 15 lojtarë
6) PSV EINDHOVEN (Holandë): 15 lojtarë
5) GENK (Belgjikë): 16 lojtarë
4) SPORTING LISBON (Portugali): 17 lojtarë
3) RED BULL SALZBURG (Austri): 20 lojtarë
2) BENFICA (Portugali): 21 lojtarë
1) AJAX (Holandë): 22 lojtarë
VAZHDO TË LEXOSH MË TEPËR PËR TEMËN
10 futbollistët fenomenë të dekadës së re
10 futbollistët e famshëm që falimentuan nga veset
10 futbollistët me të shtrenjtë të vitit 2020
