Futbolli është një lojë që matet me gola, me pikë, pra, matet me shifra e statistika. Shumë ngjarje të jashtëzakonshme kanë ndodhur në historinë e futbollit, por janë ca statistika që vështirë të besohen. Më poshtë po u sjellim disa prej tyre:
1.LAHM – Ndonëse ishte një mbrojtës, Philipp Lahm nuk bëri asnjë ndërhyrje të parregull për 13 muaj. Legjenda e Bayrn ishte shumë i mirë në leximin e lojës së kundërshtarit dhe dinte çdo lëvizje që do bëhej në fushë. Për këtë arsye ai nuk bëri asnjë faull nga shatori i 2014 deri në tetor 2015.
2.MANCHESTER UNITED – Ia doli që në 279 ndeshje kur kishte kaluar i pari në avantazh në “Old Trafford”, të mos humbte asnjë ndeshje, duke regjistruar 263 fitore dhe 16 barazime. Diçka e paimagjinueshme, por “Djajtë e Kuq” ia kanë dalë.
3.WALCOTT – Ka më shumë gola se braziliani Ronaldo në Champions League. Ish-lojtari i Arsenal ia ka dalë të shënojë plotë 15 herë në Ligën e Kampionëve, duke lënë pas emra si Ronaldo Nazario, Zidane, Klose, David Villa, Alexis Sanchez, Huuntelar, Tevez dhe Hazard.
4.C.RONALDO & IBRAHIMOVIC – Kanë shënuar në çdo minutë gol, duke filluar nga minuta e parë dhe deri në të 90’.
5.LINEKER – Nuk mori asnjë karton të verdhë në karrierën e tij.
6.SPANJA – Ia doli të fitojë Botërorin me vetëm 8 gola të shënuar. Kupa e Botës në 2010 ishte me të vërtetë e veçantë, pasi Spanja që shpallej kampione, kishte shënuar vetëm 8 gola gjatë gjithë turneut. Kurrë nuk ka ndodhur me kaq pak gola.
6.IBRAHIMOVIC – Ka luajtur me 6 ekipe që e kanë fituar Champions League, por ai asnjëherë nuk ia ka dalë ta fitojë atë. Suedezi ka luajtur me Inter, Milan, Barcelona, Juventus, M.United dhe Ajax, të cilat e kanë fituar Championsin në të kaluarën, por ai jo.
7.ROONEY, BALE & DAVIDS – janë lojtarët e vetëm që brenda një ndeshje kanë shënuar gol, kanë dhënë asist dhe kanë shënuar autogol.