Disa lamtumira në radhët e Bayern Munchen. Boateng, Alaba dhe së fundmi Javi Martinez do të ndahen në verë, pa harruar edhe trajneri Hansi Flick. Lajmin e ka dhënë vetë klubi.
Kontrata drejt skadencës e spanjollit Martinez, i transferuar te bavarezët në 2012-ën, nuk do të rinovohet. Spanjolli ka qenë një nga shtyllat e bavarezëve, një xhol i vërtetë duke parë se ka mbuluar disa role edhe atë të sulmuesit.
Në sezonin e tij të parë me Bayern, bavarezët kanë fituar tripletë-n e parë në historinë e klubit, një arritje e përsëritur në sezonin e kaluar në atë që ka qenë një vit historik me gjashtë tituj të fituar.
Deri tani, 32-vjeçari ka fituar Bundesliga-n në çdo sezon, ashtu si Superkupën e UEFA-s dhe Kupën e Botës për klube, plus pesë Kupa të Gjermanisë dhe katër Superkupa të Gjermanisë.
“Jam shumë krenar dhe i lumtur që kam qenë pjesë e familjes së Bayern-it prej nëntë vitesh. Dua të falënderoj këtë klub të madh dhe mbi të gjitha tifozët tanë”, ka qenë mesazhi i Javi martinez.
“Mynihu ka qenë shtëpia ime dhe nuk do t’i harroj kurrë këto nëntë vite. Bayern dhe tifozët e tij do të jenë gjithmonë në zemrën time. Muchas gracias” – përfundoi spanjolli, që ashtu si Xabi Alonso dhe Thiago Alcantara hynë në zemrat e tifozëve bavarezë.
VAZHDO TË LEXOSH MË TEPËR PËR TEMËN
Mbappe dhe Haaland, rrugët që i çojnë te Real Madrid
