Një ndeshje spektakolare në Serie A, Lazio dhe Udinese dhuruan spektakël mes tyre, një ndeshje që përfundoi 4-4, me gjithcka brenda fushës së lojës, por pa fitues në “Olimpico”.
Ndeshja është mbyllur pas 111 minutash. Udinese e nisi ndeshjen në sulm dhe ndëshkoi dy herë bardhekaltërit vendas, falë Beto i cili e kishte të lehtë të dërgonte topin në rrjetë mes përgjumjes së prapavijës.
Një gol i Immobiles zgjoi Lazion, por Molina ndëshkoi përsëri kryeqytetasit në fundin e pjesës së parë. Pjesa e dytë pa Lazion më agresive dhe Pedro me Milinkoviç-Saviç brenda pak minutash barazuan rezultatin në 3-3.
Patric la lacialët me 10 lojtarë pasi u ndëshkua me të kuq, ndërsa pak minuta më vonë të njëjtin fat kishte edhe Molina për Udinesen. Në minutën e 79’, Acerbi pa t’i anulohej goli për pozicion jashtë loje, por pas rishikimit me VAR, vendimi i asistentit ndryshoi dhe Lazio për herë të parë e pa veten në avantazh.
Megjithatë, në shtesën e ndeshjes, kur regjistrohej minuta e 99’, erdhi goli i barazimit 4-4 me Arslan. Festimet e tepruara të lojtarëve të Udineses sollën një zënkë në mes të fushës mes dy skuadrave dhe Uollas u ndëshkua me të kuq para vërshëllimës përfundimtare për miqtë.
VAZHDO TË LEXOSH MË TEPËR PËR TEMËN
Milan shkëlqen me Ibrën dhe Messian, ngec Napoli
Inter bën detyrën në “San Siro”, bie Roma
