50% më shumë raste të dhunës në familje janë rregjistruar në Gjirokastër vetëm në gjysmën e parë të këtij viti. Rritja e numrit të rasteve sipas deponimeve të të grave të dhunuara pranë policisë lidhet kryesisht me gjendjen e rënduar ekonomike. Frekuenca e rasteve është më e shpeshtë në rrethin e Tepelenës, Gjirokastrës dhe Përmeti i cili renditet në fund për nga numri i rasteve në këtë qark.
Në të tre qytetet rezulton të jenë kryet 61 denoncime, gjatë periudhës janar-korrik. Pjesa më e madhe e personave që kërkojnë ndihmën e organeve kompetente si shkak i konflikteve në familje janë gra që dhunohen fizikisht nga bashkëshortët e tyre. Por mes kërkesave për urdhër mbrojtje nuk mungojnë edhe rastet e dhunimit të pjesëtarëve të tjerë të familjes si të prindërve apo fëmijëve të mitur. Për secilin rast janë dhënë urdhra mbrojtje ndërsa në më shumë se gjysmën e denoncimeve, personat janë shoqëruar edhe në polici.
Statistikat ndër vite tregojnë se dhuna në familje ishte një dukuri që vinte kryesisht nga qyteti i Tepelenës, por tashmë situata ka ndryshuar. Pak ditë më parë në Bashkinë Libobovë një shtetas u arrestua nga policia pasi jo vetëm ushtroi dhunë fizike mbi vajzën e tij 30 vjecare, por e goditi atë edhe me mjet prerës. Për fat të mirë e reja nuk pësoi lëndime që mund t’i rrezikonin jetën.
Përgatiti: E.B.
VAZHDO TË LEXOSH MË TEPËR PËR TEMËN
Pse po vetëshkatërrohet Gjirokastra…
