Ministri i Jashtëm gjerman, Heiko Mass, deklaroi në një konferencë të përbashkët për shtyp me kryeministrin Edi Rama se çelja e negociatave me Shqipërinë për anëtarësimin në Bashkimin Europian ka rezistencë që duhet kapërcyer me anë të reformave.
Kryeministri Edi Rama në konferencën me ministrin e jashtëm e falënderoi atë dhe tha se Gjermania i ka kushtuar një vëmendje të veçantë anëtarësimit të vendeve të Ballkanit Perëndimor në BE.
“Respekt dhe mirënjohje për vëmendjen e Gjermanisë. Ne i japim rëndësi marrëdhënies me Gjermaninë dhe e konsiderojmë me një rëndësi historike angazhimin e qeverisë gjermane për të iniciuar atë që tani njihet si procesi i Berlinit. Ne jemi shumë mirënjohës kancelares për rolin e rëndësishëm në funksion të mbështetjes të një prej reformave më të mëdha siç është ajo e reformës në drejtësi.
Më vjen mirë të theksoj se ne kemi qenë dhe mbetemi te vendosur në ruajtjen e një linje koherente në politiken e jashtme. Falënderoj ministrin gjerman për vizitën dhe që ka zgjedhur që drekën ta kaloni në Shqipëri mes Maqedonisë dhe Greqisë”- tha Rama.
“Në qershor 2019 BE vendosi mundësinë të nisë bisedimet me Shqipërinë, por për këtë duhen edhe reformat. Ka kundërshti apo rezistence në këto procese që duhet të kapërcehen që të vijojë perspektiva evropiane. Shqipëria ka mbështetjen e Gjermanisë. Perspektiva europiane nuk është vetëm fjalë, nesë do të vijoni rrugën përmbushni kushtet. Rruga drejt BE do të vijojë dhe për këtë keni mbështetjen tonë të plotë.” tha ministri gjerman.
VAZHDO TË LEXOSH MË TEPËR PËR TEMËN
Maas i kërkon Bashës pikëpamjet për daljen nga kriza
Ministri i jashtëm gjerman viziton të mërkurën Tiranën
