Një studim i ri thotë se jetesa pasive ka vënë në rrezik më shumë se një të katërtën e të rriturve në botë.
“Më shumë se 1.4 miliardë të rritur përballen me një rrezik të lartë për sa i përket sëmundjeve të zemrës, diabetit, problemeve mendore dhe lloje të caktuara të kancerit, për shkak se ata bëjnë shumë pak aktivitet fizik”, thanë studiuesit e Organizatës Botërore të Shëndetësisë (WHO).
Ata analizuan gjetjet nga qindra anketime që përfshinin 1.9 milion të rritur në 168 vende të botës.
Në vitin 2016, pothuajse një e treta e grave dhe një e katërta e meshkujve në mbarë botën nuk i arritën nivelet e rekomanduara të aktivitetit fizik për të qëndruar të shëndetshëm.
Udhëzimet javore kërkojnë të paktën 150 minuta aktivitet fizik me intensitet të moderuar ose 75 minuta aktivitet fizik intensiv.
Sipas studimeve në të gjitha rajonet e botës, përveç Azisë Lindore dhe Juglindore, gratë ishin më pak aktive se meshkujt.
Një shqetësim i veçantë është niveli i ulët i aktivitetit fizik për burrat dhe gratë. Aktiviteti fizik i pamjaftueshëm u rrit me 5% në vendet me të ardhura të larta dhe u rrit vetëm 0.2% në vendet me të ardhura të ulëta.
“Tranzicioni drejt profesioneve më të ulëta dhe transporti motorik në vendet më të pasura mund të ndihmojnë në shpjegimin e niveleve më të larta të pasivitetit”, thanë hulumtuesit.
“Pabarazitë në nivelet e aktivitetit fizik midis burrave dhe grave do të jenë kritike për arritjen e objektivave të aktivitetit global”, tha bashkëautorja e studimit, Fiona Bull.
“Kjo do të kërkojë përpjekje për të promovuar dhe përmirësuar qasjen e grave në mundësi që janë të sigurta, të përballueshme dhe të pranueshme nga ana kulturore”, tha ajo.
Një krahasim tregoi se rreth 40% e të rriturve amerikanë dhe 36% e të rriturve britanikë kryenin aktivitet fizik shumë të vogël.
“Gjithashtu, edhe pse vendet me të ardhura të larta kanë një përhapje më të lartë të aktivitetit fizik të pamjaftueshëm, është e rëndësishme të theksohet se vendet me të ardhura të ulëta dhe të mesme ende mbajnë pjesën më të madhe të barrës globale të sëmundjes së pasivitetit fizik”, shkruante Ding.
