Komitetin për Liritë Civile, Drejtësi dhe Çështje të Brendshme(LIBE), ka marrë në dorë tashmë çështjen e liberalizimit të vizave për Kosovën.
Për rrjedhojë tashmë janë hapur rrugët për dialogun e rëndësishëm midis tre palëve: Komisionit Europian, Parlamentit, dhe Këshillit të Ministrave.
Për të fituar liberalizimin e vizave, shtetit të Kosovës, i duhet të kalojë edhe dy votime, bëhet fjalë për miratimin e Parlamentit Europian dhe Këshilin e Ministrave
Siç duket deri tani në mbështetje të kësaj nisme është Komisioni Europian i cili ka inkurajuar dhe Parlamentin dhe Këshillin Europian, për të mos e lënë pas propozimin në lidhje me liberalizimin e vizave të Kosovës.
“Kosova ka bërë përparim të madh gjatë dy vjetëve të fundit dhe është e rëndësishme që zbatimi i të gjitha standardeve të vazhdojë. Komisioni tani inkurajon Parlamentin Evropian dhe Këshillin për të ecur përpara në propozimin e Komisionit për heqjen e kërkesave për vizat për Kosovën”, përmendet nga Komisioni Europian.
