Kushtet e amortizuara në të cilën tregtarët shisnin në tregun e qytetit ishin këmbanë që ra fort e u dëgjua në veshin e autoriteteve vendore në Gjirokastër. Projekti për rehabilitimin e kushteve të tregut industrial pati për qëllim të ndryshojë jo vetëm estetikisht pamjen por edhe të përmirësojë infrastrukturën dhe ndriccimin në këtë zonë të qytetit.
Kryetarja e bashkisë Zamira Rami flet për një tjetër investim të ngjashëm që po përgatitet për t’u vënë në zbatim, këtë herë në tregun e fruta-perimeve, në mënyrë që ccdo produkt të tregtohet brenda standardeve dhe kushteve optimale të higjenës.
“Ishte mëse e domosdoshme ky investim.Nuk mund të pranohej tregëtimi në ato kushte qoftë edhe për imazhin që krijohej” – thotë Rami ndërsa shton- “Bashkia e qytetit ka një sërë projektesh e paralelisht po punojmë edhe në zonën muzeale duke rikonstruktuar mjaft rrugë dytësore apo rrugica karakteristike ku aktualisht mjaft prej tyre janë në punime e sipër”
Investimi për rehabilitimin e tregut industrial në Gjirokastër sipas burimeve zyrtare ka arritur shifrën e 35 milionë lekëve.
Përgatiti: E.B.
