Polonia është pjesë e Bashkimit Evropian, por duhet të jetë i kujdesshëm që të mos infektohet nga “sëmundjet sociale” që dominojnë bllokun, tha të dielën udhëheqësi i Partisë Drejtuese të Ligjit dhe Drejtësisë (PiS) Jaroslaw Kaczynski.
Duke folur në një konventë partiake përpara zgjedhjeve lokale në tetor, vendimmarrësit më me influencë të Polonisë paraqitën përparësitë e gjera të fushatës së PiS.
Ai mbrojti rekordin demokratik të partisë së tij dhe akuzoi kritikët për “bërjen e marrëveshjeve me të fuqishmit e botës”, duke patur parasysh lidhjet e ngushta midis opozitës liberale në Poloni dhe Bruksel.
“Unë kisha thënë se do të përballemi me një betejë të vështirë dhe do të na hedhin gurë”, tha Kaczynski.
“Ne jemi duke u sulmuar nga brenda dhe nga jashtë , në mënyra që e tejkalojnë realitetin dhe synojnë të dëmtojnë Poloninë” tha ai.
“Është e lehtë t’i shërbejmë interesave të më të fuqishmëve. Nëse doni t’i shërbeni shoqërisë, kombit, është shumë më e vështirë.”
Duke nënvizuar nevojën që Polonia të mbetet brenda bllokut, partia e tij thotë se BE detyron shtetet anëtare të jenë në përputhje me standardet që bien ndesh me vlerat tradicionale të familjes së Polonisë.
Të dielën, Kaczynski tha se anëtarësimi në BE ishte rruga më e shkurtër për Poloninë që të arrijë barazi kur është fjala për standardet e jetesës me aleatët e saj perëndimorë.
“Por kjo nuk do të thotë që ne duhet të përsërisim gabimet e Perëndimit dhe të infektohemi me sëmundjet sociale që dominojnë atje” shtoi ai.
Anëtari 69-vjeçar i parlamentit ka organizuar rrugën e vendit drejt euroskepticizmit, vlerave tradicionale sociale dhe politikës ekonomike proteksioniste.
Nën udhëheqjen e Kaczynskit, Polonia është rritur gjithnjë e më shumë e izoluar brenda Bashkimit Evropian, me qeverinë PiS të akuzuar nga kundërshtarët për tendencën ndaj autoritarizmit. Pavarësisht kritikave, PiS mbetet kryesisht popullore në Poloni, përpara zgjedhjeve lokale. Një rezultat i mirë në zgjedhjet lokale do t’i jepte PiS një pikëmbështetje më të mirë në qeverinë rajonale.
Kaczynski ka munguar shumë nga sytë e publikut në muajt e fundit, pas një operacioni në maj, që e mbajti atë në spital për javë të tëra, duke ushqyer spekulime të tensioneve brenda PiS se kush mund të mbetej krye të partisë.
