Sirianët nuk besojnë se një marrëveshje e re ruso-turke, mund të ndalojë përfundimisht një luftë potencialisht shkatërruese për kontrollin e krahinës siriane të Idlibit.
Marrëveshja e njoftuar të hënën është mirëpritur gjerësisht si një mundësi për të parandaluar ofensivën e plotë të qeverisë siriane ndaj Idlibit dhe për të shmangur katastrofën humanitare që pritej të shkaktojë.
Sipas kushteve të marrëveshjes së përshkruar nga Presidenti rus Vladimir Putin dhe homologu i tij turk, Rexhep Tajip Erdogan, Rusia dhe Turqia do të mbikëqyrin bashkërisht krijimin e një zone të demilitarizuar nëntë milje midis linjave qeveritare rebele dhe siriane që synojnë t’i mbajnë të dyja anët .
Por mbetet e paqartë nëse marrëveshja do të parandalojë një konflikt eventual në zonë, tha Lina Khatib nga Chatham House në Londër.
“Ne patjetër nuk duhet të mendojmë se marrëveshja e Idlibit është marrëveshja përfundimtare. Ajo është vetëm momentale. Ky nuk është fundi për Idlibin, “tha ajo. “Në rastin më të mirë, kjo marrëveshje shtyn një konfrontim potencial në Idlib por nuk eleminon plotësisht mundësinë e ofensivës.”
Sidomos për Sirinë, marrëveshja u mirëprit nga të gjitha palët si një mundësi për të shmangur, të paktën për tani, vuajtjet e mëdha që një betejë do t’i shkaktonte më shumë se 3 milion civilëve në krahinën veriperëndimore.
Ministri i Jashtëm iranian Mohammad Javad Zarif tha se Irani, një aleat i ngushtë i Sirisë, luajti një rol në negociimin e marrëveshjes, të cilën ai e quajti si dëshmi se “diplomacia funksionon”.
Gjithçka që është arritur deri tani është vendimi se zona e çmilitarizuar do të krijohet më 15 tetor. Grupet e lidhura me ekstremistët pritet të zhvendosen në zona më larg veriut. Nuk u dhanë detaje të mëtejshme, duke lënë shumë pyetje pa përgjigje, përfshirë fatin përfundimtar të krahinës.
Kapiteni Naji Mustafa, një zëdhënës i rebelëve sirianë, tha se opozita nuk është njoftuar për ndonjë marrëveshje të tillë dhe nuk do të pajtohet me kthimin e autoritetit të regjimit të Asadit në cilëndo pjesë të Idlibit. Një shqetësim, tha Mustafa, është se rebelët do të dorëzonin artilerinë e tyre, tanket dhe automjetet e blinduara vetëm për t’iu nënshtruar një ofensive qeveritare. “Rusët njihen si mashtrues dhe jo të besueshëm”, tha ai. “Ata nuk i kanë respektuar marrëveshjet në të kaluarën dhe ne nuk u besojmë më”.
VAZHDO TË LEXOSH MË TEPËR PËR TEMËN
Për të shkatërruar Iranin, duhet shpëtuar Idlibi
